O Goberno local augura que o Aeroporto de
Alvedro logrará este ano o récord
en número de pasaxeiros da súa historia
O pasado mes foi o mellor mes de
setembro na historia do aeroporto, sumándose ao mellor agosto
A estas alturas do ano o dato
interanual de tráfico de viaxeiros xa supera os 1,3 millóns e se prevé que, se
pecha así o ano, sería o dato anual xamais alcanzado
A Coruña, 16 de outubro de 2019.-
Desde o Concello da Coruña confírmase a consolidación no crecemento do
aeroporto de Alvedro tras acumular cifras positivas durante 41 meses
consecutivos. “Constátase o crecemento en todas as rutas e en todas as
compañías”, asegura a alcaldesa Inés Rey.
Ademáis de elevar as súas cifras, o aeroporto coruñés
conseguiu o pasado mes de setembro o récord en número de viaxeiros, sendo o
mellor mes de setembro da historia do aeródromo. A esta marca hai que engadir o
mellor mes de agosto e tamén o mellor dato nun mes en tráfico de pasaxeiros que
foi xullo de 2019.
Por outra banda, estas alturas do ano o dato
interanual de tráfico de viaxeiros xa supera os 1,3 millóns e se prevé que, se
pecha así o ano, sería o dato anual xamais alcanzado en tráfico de pasaxeiros
na Coruña.
Aínda así, o Concello da Coruña traballa por mellorar
a conectividade e o crecemento das rutas nacionais, así como o aumento da
carteira de destinos internacionais para optimizar a competitividade do
aeroporto e, polo tanto, do destino.
Villoslada: “Imos levar a
cabo unha mellora progresiva das liñas empezando polas máis ineficientes”
O concelleiro socialista asegura que a ferramenta
fundamental para levar a cabo os cambios nesta materia será a Mesa da
Mobilidade
A Coruña, 16 de outubro de 2019.-
O concelleiro de Mobilidade, Juan Díaz
Villoslada, aclarou esta mañá que a reestruturación das liñas do
transporte urbano é unha prioridade para o executivo local, pero farase de
forma progresiva,
“empezando polas máis ineficientes”. Entende que estes
cambios non poden ser froito da improvisación e que deben atender a estudos
rigorosos que finalmente se establezan na futura Mesa da Mobilidade que pensa
poñer en marcha proximamente. “O que non imos facer é un cambio radical das liñas que poña patas
para arriba a cidade, senón unha mellora progresiva de liñas. Queremos superar
un esquema que ás veces foi excesivamente radial da articulación de liñas e por
tanto é clave o compromiso da Xunta cun verdadeiro transporte metropolitano”.
O responsable do executivo en materia de mobilidade indicou
que a constitución da Mesa da Mobilidade será a ferramenta fundamental para
mellorar as políticas de mobilidade co maior consenso e rigor técnico. Sinalou
que na mesa haberá participación dos grupos políticos municipais, e espera
deles o seu compromiso para solucionar problemas.
O concelleiro entende que o aumento das conexións das liñas
urbanas da cidade cos concellos limítrofes é unha estratexia que “deberemos
intensificar”, apuntou Villoslada, en
referencia á liña 24, a de Santa Cristina ou á liña 6, que se está abordando
con Arteixo.
Villoslada acorda coa Xunta
declarar unha área Rexurbe no casco histórico da cidade
O concelleiro de Urbanismo, Juan
Díaz Villoslada, reuniuse esta mañá co director do IGVS para tratar diversas
actuacións de
interese municipal en materia de
vivenda
A Coruña, 16 de outubro de 2019.-
O concelleiro de Urbanismo, Infraestruturas e Mobilidade, Juan Díaz Villoslada,
anunciou que o Concello colaborará coa Xunta co obxectivo de declarar unha área
Rexurbe no conxunto histórico da cidade. Este foi un dos principais temas que
se trataron no encontro celebrado esta mañá entre o edil de Urbanismo e o
director xeral do Instituto Galego de Vivenda e Solo (IGVS), Heriberto García
Porto, no que tamén estiveron presentes a directora da área de Urbanismo, María
Hernández, e persoal técnico da concellería.
A figura das áreas Rexurbe foi creada pola nova Lei de
Rehabilitación e serán declaradas, previa solicitude dos concellos, en núcleos
históricos catalogados como BIC que se atopen especialmente degradados, ou
outros que pola súa singularidade e o seu deterioro precisen dunha especial
actuación. A través destas áreas realizaranse actuacións de rehabilitación ao
mesmo tempo que se articulen medidas sociais, ambientais e económicas
enmarcadas nunha estratexia administrativa global, unitaria e integral.
Así mesmo tamén se deu coñecemento por parte do IGVS do seu
programa de vivendas baleiras para aluguer comprometiéndose o Goberno municipal
a estudar a inclusión da cidade no devandito programa.
No hay comentarios:
Publicar un comentario