Obras de mantemento e o Concello dispón de 6,5 millóns para executar obras pendentes

O Concello aborda obras de mantemento en distintos barrios da cidade

O departamento de Infraestruturas puxo en marcha unha serie de actuacións encamiñadas a mellorar a seguridade viaria, a accesibilidade e a mobilidade en varias rúas da Coruña

         

A Coruña, 7 de septiembre de 2019.- O Goberno local aborda obras de mantemento en distintos barrios con máis de dez actuacións en diferentes rúas da cidade. A maioría céntranse en melloras na seguridade viaria, a accesibilidade e a

mobilidade nas contornas urbanas. Actuacións que serven para garantir a calidade e seguridade dos espazos públicos facéndoos accesibles para os veciños.

As obras forman parte do plan de mantemento que o departamento de

Infraestruturas realiza por toda a cidade. O Concello iniciou estes días os traballos   de execución dun novo paso a peóns na estrada do Ofimático, na zona do supermercado Lidl. Tamén o cruzamento da rúa Montevideo con Cabaleiros conta cun novo paso a peóns que garanta a accesibilidade ós vecinos e veciñas. Outra das actuacións previstas dentro deste proxecto é o asfaltado na rúa de Marola, no barrio de Monte Alto. Trátase de prolongar as obras de pavimentación nesta zona a petición vecinal tras os traballos de peonalización que levaron a cabo na tripla intersección de Marola, con rúa Doutor Ferraz.

O barrio de As Xubias de Arriba xa conta cunha nova parada de bus despois de que nos últimos días acometéranse estes labores, agora só pendente de que finalicen os traballos de instalación da marquesiña e sinalización viaria. Ademáis, segundo explicaron os técnicos municipais, están a piques de finalizar as tarefas na rotonda Porlier, no barrio de Matogrande, que mellorará a seguridade viaria e a fluidez do tráfico.

Por outra banda, realizáronse obras na rede de sumidoiros na rúa José Baldomir e en Matogrande, e de saneamento na rúa Almirante Eulate.

O Concello dispón xa de 6,5 millóns para executar obras pendentes na cidade como a piscina do complexo deportivo do Castrillón

O edil de Economía e Facenda, José Manuel Lage, formalizou esta semana co Banco Sabadell a firma do contrato dun crédito de 6,5 millóns de euros que sirve para poñer en marcha actuacións moi necesarias e demandadas polos cidadáns

O préstamo permite desenvolver distintos proxectos do programa

EIDUS

A Coruña, 7 de setembro de 2019.-  O portavoz do Goberno local e concelleiro de Economía, Facenda e Réxime Interior, Jose Manuel Lage, formalizou esta semana co Banco Sabadell a firma dunha contrato de crédito de 6.505.000 euros que serve para reactivar a licitación de obra pública na cidade despois dun tempo de certa parálise, e permite ao Goberno local executar unha serie de obras moi necesarias e demandadas polos veciños.

O edil de Economía destacou que “é fundamental impulsar a contratación pública e esta operación permitirá reactivar a economía local, e ao mesmo tempo vai posibilitar atender a vellas demandas dos barrios da nosa cidade”.

Con esta operación de crédito dáselle impulso dende o goberno local a un bo número de proxectos que estaban parados e que foran incluidos na última modificación dos orzamentos do pasado mandato.

O gobernó local no seu primeiro mes de mandato reactivou as xestións que quedaran pendentes do mandato anterior e a Xunta de Goberno Local deulle o visto e prace o pasado día 3 de setembro.

Lage sinalou que “a partida máis importante, máis de dous millóns de euros, dedicarase a finalizar o complexo deportivo do Castrillón. Este investimento permitirá concluír a construción e dotar ao centro do equipamento necesario para a posta en funcionamento da área de seco e a piscina climatizada.”

Parte dos fondos, entorno a medio millón de euros, destinaranse á achega municipal aos proxectos incluídos no programa EIDUS que son cofinanciados polo Fondo Europeo de Desenvolvemento Rexional (Feder) da Unión Europea. Nestas actuacións foi clave a participación da cidadanía, das organizacións, de entidades públicas e privadas, e de todos os axentes sociais. 

Realizaranse obras no espazo público do Mercado de San Agustín cun investimento de 134.515,91 euros. Tamén se poñerá en marcha un plan de humanización e naturalización do paseo marítimo, 100.000 euros, e a construción dun acceso peonil desde Ou Birloque ao polígono de Pocomaco que terá unha partida de 41.400 euros.

O goberno, dentro do Plan EIDUS, eliminará barreiras arquitectónicas e mellorará o espazo público no ámbito de Pepri e reordenará o tráfico na rúa Severo Ochoa onde tamén se realizarán obras de urbanización para dar maior protagonismo ós peóns. 

Os xardíns históricos da cidade terán o seu oco nestas licitacións. Está previsto un plan de mellora en Azcárraga, San Carlos e a Rosaleda de Méndez Núñez; e outro para a dotar de maior accesibilidade as praias do Orzán, Oza, Portiño, Lapas e Béns. Na lista inclúense partidas para iniciar as reformas dos mercados de Santa Lucía, Monte Alto, 132.731,41 euros, e o de Adormideras, este último dentro do plan EIDUS, por valor de 229.347,27 euros.

Por outra banda, o Goberno local que lidera Inés Rey ten previsto con cargo a esta operación de crédito acometer outros proxectos valorados en máis de 1,2 millóns de euros.

Entre estas actuaciòns destaca a creación de puntos limpos de proximidade, a instalación ou reforma de zonas de xogos infantís no complexo deportivo de Elviña, na praza de Tabacos e Nostián, así como nas urbanizacións Valaire e Breogán.

O pproxecto e comporta en colector de Riazor na zona Edar Béns, a construción de beirarrúas na avenida San Cristobo entre O Birloque e Matogrande, a finalización das obras de recollida de pluviais en Nostián, a iluminación do obelisco Milenium, a rehabilitación das fontes tradicionais de Eiris, así como a instalación dun circuíto de running e canastras de baloncesto no parque de Santa Margarita, dun rocódromo ao aire libre no parque de Béns e desfibriladores nos edificios municipais son algunhas das actuacións que se poderán realizar con cargo a este préstamo.