O Festival de Arte Audiovisual Contemporánea terá lugar
do 24 ao
27 de outubro na fundación coruñesa
As figuras protagonistas desta segunda edición serán o
norteamericano J.P. Sniadecki, a portuguesa Salomé Lamas e a valisoletana Dora
García
O concelleiro de Cultura e Educación, JesúsCelemín, asistiu ao acto de presentación
da segunda edición do festival Intersección, Festival de Arte Audiovisual Contemporánea,
que terá lugar do 24 ao 27 de outubro na Fundación Luis Seoane da Coruña, xunto
a Silvia Longueira, directora da Fundación Luis Seoane, e Gonzalo Veloso,
director de Intersección.
Celemín convidou todas as coruñesas e coruñeses a asistiren
ao festival e desexou que este “se converta nun festival de referencia na
cidade”. O edil tamén valorou a dirección de Silvia Longueira na Fundación
Seoane por “estar sempre aberta a acoller e divulgar a arte contemporánea”.
As figuras protagonistas desta segunda
edición serán o norteamericano J.P. Sniadecki, a portuguesa Salomé Lamas e a
valisoletana Dora García.
O artista J.P. Sniadecki, especialista en formatos de
non-ficción ao redor de problemáticas identitarias relacionadas coas
migracións, presentará no festival as premiadas “El mar la mar”, “Foreign
Parts” e “Yumen”. Intersección 2019 tamén acollerá a estrea de “Extraction: The
Raft of the Medusa”, a última obra da portuguesa Salomé Lamas, unha das máximas
expoñentes actuais da arte audiovisual lusa.
Pola súa banda, a valisoletana Dora García, unha das
artistas máis representativas do panorama contemporáneo nacional e
internacional, exhibirá a súa última longametraxe, “Segunda Vez”, premiada en
FID Marsella, ademais dunha sesión de obras curtas.
Intersección, que contará tamén cunha sección adicada á
arte audiovisual contemporánea galega, entre outras das seccións que
completarán o cartel desta segunda edición, aposta este ano polo
desenvolvemento de proxectos creativos a través da iniciativa Intersección Lab,
unha mesa de traballo para a que serán seleccionados tres proxectos e que
estará coordinada polo artista Enrique Lista.
Inés Rey asegura que os
pregos da xestión de Nostián terán en conta as demandas dos concellos da área
metropolitana
Inés
Rey reuniuse esta mañá en María Pita cos rexedores do Consorcio das Mariñas
para analizar cal será o papel do ente supramunicipal na futura concesión da
planta de Nostián
A alcaldesa da Coruña, Inés Rey, reuniuse esta mañá en
María Pita cos alcaldes e alcaldesas que integran o Consorcio das Mariñas para
explicarlles os plans que o goberno local ten para a planta de tratamentos de
residuos de Nostián, así como as modificacións do novo prego de condicións
técnicas e administrativas do servizo que está a redactar a concellería de
Medio Ambiente e que aínda se atopa nunha primeira
fase, “Cando chegamos o prego non estaba redactado, senón nunha fase inicial”,
apuntou a rexedora. Rey comunicoulles aos seus homólogos o estado no que se
atopa a redacción do prego de contratación do servizo de xestión de residuos da
planta de Nostián.
Inés Rey, que
confirmou que o novo prego non estará listo para finais de ano, descartou a
posibilidade de que se teña que esgotar a prórroga do contrato para o
tratamento dos residuos “a idea non e esgotar a prórroga en ningún caso, a idea
é dar garantías xurídicas nun contrato
que terá unha duración de vinte anos”
A alcaldesa explicoulles que o goberno local aínda non
concretou a fórmula da futura concesión da planta de Nostián e comprometeuse a
estudar as demandas dos concellos do Consorcio e, se non fose posible,
establecer plans personalizados con cada concello.
A Coruña acolle a
exposición “Puertas”, que lembra as 48 vítimas da violencia machista en 2018
A alcaldesa, Inés Rey, e a
edila de Igualdade, Yoya Neira, asistiron á inauguración da mostra que se pode
visitar no centro comercial
Espacio Coruña ata o 4 de
novembro
A alcaldesa da Coruña, Inés Rey, acudiu esta tarde xunto á concelleira de
Benestar Social, Igualdade e Participación, Yoya Neira, á inauguración da
exposición “Portas”, impulsada pola axencia Dimesión, que se pode visitar
gratuitamente no centro comercial Espacio Coruña desde hoxe ata o 4 de
novembro. Na inauguración tamén estiveron presentes Yessica Fonticiela, xerente
de Espacio Coruña, e Jon Martija, responsable de Comunicación da axencia
Dimensión.
Trátase de 48 portas, usadas como lenzo e convertidas
en 48 obras de arte por 48 artistas. O número ten unha razón de ser: cada porta
lembra e homenaxea a cada unha das 48 vítimas oficiais da violencia machista en
España no ano 2018.
O obxectivo da exposición é visibilizar esa
problemática e convidar á reflexión xerando un debate social. O lema da
exposición é “a arte ás veces lévanos a lugares onda a razón non chega”. A esa
razón tamén fixo alusión Inés Rey, quen denunciou que “esa mesma razón, a de
todas e todos, a miña, non concibe que podamos seguir pasando páxina ante este
drama que toca a todas as clases sociais e a todos os puntos xeográficos,
levándose por diante vidas inocentes e deixando regas de dor”.
A rexedora manifestou que “todo movemento que se faga
en contra da violencia de xénero é necesario e esta iniciativa, en concreto,
que tamén dá visibilidade aos menores, é digna de admirar e de
acoller nunha cidade como A Coruña que se declara totalmente en contra deste
tipo de violencias” e destacou que “é unha labor de todas e todos pechar as
portas á violencia”.
O proxecto “Puertas”
O Concello da Coruña lembra que ante calquera indicio
de violencia machista pode acudirse ao teléfono 016, así como ao 092 da Policía
Local.
No hay comentarios:
Publicar un comentario