Fotógrafos da Natureza 2019, unha invitación á reflexión e toma
de conciencia sobre os problemas ambientais
A Sala Isabel Castelo do
Aquarium acolle desde hoxe ata o 31 de decembro as imaxes premiadas no concurso
European Wildlife
Photographer of the Year
O concelleiro de Cultura, Jesús Celemín, asistiu a o Aquarium á
presentación da exposición Fotógrafos da Natureza 2019, que reúne as imaxes
premiadas no concurso European Wildlife
Photographer of the Year, organizado pola
GDT (Sociedade Alemá de Fotógrafos da
Natureza) desde o ano 2001. As fotografías, que se poderán
ver desde hoxe ata o 31 de xaneiro na Sala Isabel Castelo, non só mostran a
beleza do mundo natural senón que tamén “convidan á reflexión e á toma de
conciencia sobre os problemas ambientais que ameazan a integridade dos
ecosistemas naturais”, explicou o edil de Cultura.
Para Celemín, o terceiro museo científico da Coruña
comparte plenamente o obxectivo desta exposición: “o acuario inaugurouse o 5 de
xuño, Día Mundial do Medio Ambiente. Con esta coincidencia pretendíase destacar
o compromiso deste museo coa conservación do ambiente e os ecosistemas
mariños”. E quixo destacar o feito de que a Sala Isabel Castelo “é unha das
poucas salas no ámbito nacional dedicada en exclusiva ás fotografías de
natureza”.
Pola súa banda, o director técnico do Aquarium, Francisco
Franco, explicou que este ano a exposición facíase coincidir co inicio do curso
escolar para atraer o estudantado “respondendo deste xeito á vocación didáctica
e divulgativa do museo” e fixo un percorrido pola mostra explicando as
distintas temáticas dunhas imaxes que van desde as máis reivindicativas e de
carácter xornalístico que denuncian a necesidade urxente de protexer e coidar
o noso planeta, ata as máis poéticas e mesmo algunhas que parecen obras de arte
abstracta.
O gañador absoluto deste ano é o fotógrafo español
Cristóbal Serrano, cunha imaxe aérea de flamencos ananos no Lago Bogoria.
Ademais de Cristóbal Serrano, nesta edición do concurso foron finalistas 13
fotógrafos españois, 3 deles gañadores en tres categorías: Jaime Culebras coa
mellor foto de Aves; David Frutos Egea, na categoría de Paisaxes; e Joan de la
Malla gañador na sección Ser humano e natureza. “É, así, a edición con maior
número de fotógrafos españois gañadores nalgunha das categorías”, destacou o
concelleiro.
A exposición completa contén 85 imaxes gañadoras e
finalistas nas diferentes categorías do concurso: Aves, Mamíferos, Outros
animais, Plantas e fungos, Paisaxes, Mundo submarino, Ser humano e Natureza,
Forma e composición, Mellor fotógrafo/a menor de 14 anos, Mellor fotógrafo/a
entre 15 e 17 anos.
O Concello colabora na 6.ª edición de Exporpymes, o encontro de internacionalización empresarial da Coruña
A edila Eva Martínez Acón
clausurou o acto de inauguración do evento que este ano reúne máis de 90
importadores de 30 países e
150 empresas galegas
exportadoras
Esta mañá a concelleira de Innovación,
Industria, Emprego e Consumo, Eva Martínez Acón, clausurou o acto de
inauguración da 6.ª edición de Exporpymes, o encontro de internacionalización
empresarial, impulsado pola Cámara de Comercio da Coruña e no que colabora o
Concello da Coruña, que reúne no recinto feiral Expocoruña máis de 90
importadores de 30 países e 150 empresas galegas exportadoras, co obxectivo de
establecer entre eles novas relacións de negocio.
No acto de inauguración tamén
interviñeron o presidente da Cámara de Comercio, Antonio Couceiro, o deputado
provincial, José Ramón Riobóo, a secretaria xeral técnica da Consellería do
Mar, Isabel Concheiro, e o director da área Internacional do Igape, Augusto
Álvarez Borrás.
Martínez Acón felicitou a Cámara
por esta nova edición que “cada ano amplía o número de participantes e permite
o acceso a importadores aos que, doutro xeito, sería difícil que puidesen
acceder as pemes galegas” e valorou o evento como “mecanismo eficaz para poñer
en común e establecer relacións bilaterais entre as empresas galegas e as pemes
e importadores”.
Canto ás exportacións máis aló de
Europa, a edila sinalou que “aínda que o 70% das exportacións de bens se
centraron no noso continente, é necesario abrir outras opcións” e asegurou que
as administracións deben “apoiar a industria cunha aposta clara pola innovación
para facer as nosas empresas competitivas e que lles permita acceder a novos mercados como motor
necesario para o desenvolvemento da nosa economía”.
Dinamarca, Suíza, Ghana e Burkina Fasso,
ademais dos xa habituais como Estados
Unidos, Reino Unido, Polonia, Moldavia,
República Checa, Colombia, Perú, México,
Israel, Turquía, Panamá, Costa
Rica, Croacia, Irlanda, Austria, Bulgaria, Etiopía, Alxeria, Togo e Costa do
Marfil. Como nas anteriores edicións, terán lugar diferentes misións inversas e
os representantes das pemes asistentes terán a oportunidade de manter
entrevistas persoais cos importadores destes destinos.
No hay comentarios:
Publicar un comentario