Entrega de medallas das IV Xornadas Polideportiva de Deporte Adaptado

Inés Rey agradece o labor do Clube Torre

SD pola inclusión social das persoas con discapacidade

A alcaldesa acudiu á entrega de medallas das IV Xornadas Polideportiva de Deporte

Adaptado na Cidade Deportiva de A Torre 

A Coruña, 12 de xullo de 2019- A alcaldesa Inés Rey acudiu esta mañá xunto co concelleiro de Deportes, Juan Ignacio Borrego, á entrega de medallas das IV Xornadas Polideportiva de Deporte Adaptado dirixidas a mozos e adultos con discapacidades leves ou severas, que tivo lugar na Cidade Deportiva de A Torre, nun acto no que participaron trece persoas de Aspace (Atención á Parálise Cerebral de toda España) e que organizou o Clube Torre SD. 

Ante a presenza do presidente do colectivo, Antonio Dubra, e a vicepresidenta, Mar Barcón, Rey destacou o labor do Clube Torre S.D pola súa implicación na procura da inclusión social das persoas con discapacidade a través dos campamentos. 

Pola súa parte, Borrego manifestou que desde a Concellaría impulsarán este tipo de iniciativas que favorezan a integración por medio da práctica deportiva.