Reforma da rúa Casares Quiroga

A rúa Casares Quiroga gaña en accesibilidade e espazos verdes tras a reforma

A alcaldesa Inés Rey e o concelleiro Juan Manuel Díaz Villoslada comprobaron de primeira man o resultado da actuación 

A Coruña, 25 de xullo de 2019.- A alcaldesa Inés Rey e o concelleiro de Urbanismo, Juan Manuel Díaz Villoslada, visitaron a rúa Casares Quiroga que xa está operativa ao tráfico despois dunha reforma que consistiu na rehabilitación do pavimento, o cambio de firme de asfalto por unha celosía con céspede e a adecuación da contorna con máis metros cadrados de zonas verdes e a ampliación das beirarrúas.

Ademais, tamén se acometeron melloras na rede de pluviais. 

A rexedora destacou que a actuación reverte nunha maior accesibilidade na zona e unha estética que fai o paseo máis agradable. Este enclave da segunda fase do Polígono de Elviña estrea tamén elementos de mobiliario como papeleiras e conta con novas árbores.