Red Eléctrica inaugura na Coruña
a exposición itinerante ‘Unha autoestrada detrás do enchufe’
Asistiron ao acto a alcaldesa da Coruña, Inés Rey; o presidente
de Red Eléctrica, Jordi Sevilla; e o delegado do Goberno en Galicia, Javier
Losada
A Coruña, 14 de novembro de 2019-
Red Eléctrica de España inaugurou hoxe en Palexco a exposición “Unha
autoestrada detrás do enchufe”, unha mostra itinerante que se poderá visitar
ata o 30 de abril e que foi deseñada e producida pola compañía para explicar de
forma didáctica e a través dun percorrido interactivo o funcionamento do
sistema eléctrico español e sensibilizar á cidadanía sobre un consumo eficiente
e responsable da enerxía. A alcaldesa lembrou a importancia da toma de
conciencia da veciñanza polo reto que supón o equilibrio entre a xeración e o
consumo. Ademais, destacou que a transición cara ás fontes de enerxía
renovables “depende de nós” e que o compromiso ten que vir de forma particular
e tamén institucional.
Inés Rey asistiu á inauguración que presentou o
presidente de Red Eléctrica, Jordi Sevilla, e na que estivo presente o delegado
do Goberno en Galicia, Javier Losada, e varios concelleiras e concelleiros da
Corporación. A comitiva realizou un percorrido pola exposición, que chega agora
á cidade, tras o seu paso por Granada, Logroño, Valladolid, Las Palmas de Gran
Canaria, Sevilla, Mérida, Tarrasa, Palma de Mallorca, Valencia e Bilbao. Ata a
data, recibiu máis dun millón de persoas.
A mostra aborda as propiedades da electricidade como
fenómeno físico, ensina o proceso do subministro eléctrico e explica o reto que
supón o equilibrio entre a xeración e o consumo, así como o papel da rede de
transporte. A exposición aposta pola interactividade e nela, as persoas
visitantes convértense en protagonistas do proceso eléctrico con capacidade
para seren actores e actrices responsables e elixiren que, como e cando consumir.
Ademais, suxire ideas e aporta recomendacións para un uso racional e eficiente
da enerxía.
No hay comentarios:
Publicar un comentario